03/29/04
03/22/04
03/15/04
03/11/04
03/08/04
03/01/04
02/23/04
02/19/04
02/16/04
02/12/04
02/09/04
02/05/04
02/02/04
01/29/04
01/26/04
01/22/04
01/19/04
01/12/04
01/05/04
01/01/04 12/29/03
12/25/03
12/22/03
12/18/03
12/15/03
12/11/03
12/08/03
12/04/03
12/01/03
11/27/03
11/24/03
11/17/03

Akeeka RSQBO

Kaayyoo bilisummaa ummata Oromoo milkoomsuuf hojii Addi Bilisummaa Oromoo (ABO) geggeessu keessa tokko hojii beeksisii ti.

Haala yeroo ammaa keessa jirru waliin yoo ilaalame, hojiin beeksisii kaayyoo bilisummaa akka tarkaanfachiisutti hin geggeeffamne kan jedhu komiin qabsaawota irraa ni dhagahama. Barnooti addaddaa, qormaata irratti kan hundaa'an, kanneen saba keenya qabsoo hadhaa'aaf qopheessan, yoom caalaa barbaachisaa akka ta'an shakkisiisaa miti.

Raadiyoon Sagalee Qabsoo Bilisummaa Oromoo (RSQBO) sabboonummaa Oromoo misoomsuuf, tokkummaa qabsaawotaa jabeessuuf, haala dimokrasii, mirgaa fi dantaa ummata Oromoo hawaasa barsiisuuf meeshaa qabsoo bilisummaa ta'ee tajaajila kenna. Odeeffannoo fi barumsa dhugaa argachuuf mirga hawaasi Oromoo qabu RSQBOn ni kabaja; mirgi kun akka tiksamu ni falma. Olola dhara tokkummaa qabsaawotaa fi kaayyoo bilisummaa Oromoo irratti geggeessamu dura dhaabbata; hawaasi akka hin dogoggorre dhugaa qoratee dhiheessa.

RSQBO akeeka armaan olitti tuxxuqaman bakkaan gahuuf jalqabame.

Hawaasa barsiisuuf qabxii RSQBOn irratti xiyyeeffatu:

• Hawaasummaa fi dinagdee ilaalchisee mirga ummataa fi dantaa ilmaan Oromoo hubachiisuuf waa'een aadaa, fayyaa, nageenya, qabeenya … wkf qoratamee dhihaata.
• Polotikaa ilaalchisee waa'ee mirga hiree murteeffannoo, sirna dimokrasii fi taliiga qabsoo beekumsa gahaa horachiisuuf qoratamee dhihaata.
• Qabsoo bilisummaa Oromoo irratti olola bifa addaddaan oofamu dura dhaabbatee akka sirreeffamu taasisuuf qooda isaa gumaacha. Oromooti mirgaa fi dantaa ummata ofii dagatanii meeshaa dantaa alagaa akka ta'an hawwachuuf ololli haxxummaa dhaan farreen Oromoo oofan hawaasa akka hin dogoggorsine doomsuuf hojjeta. Olola dhara to'atee dura dhaabbachuuf madaalli RSQBO kaayyoo bilisummaa Oromoo ti.

Sagantaan raadiyoo kun gargaarsa, yaadaa fi qabeenyaa hawaasa Oromoo irraa argamuun akeeka ofii dhugoomsuu danda'a. Sagantaan qophaawu quubsaa akka ta'u jalqabaa hanga dhumaatti tumsi hawaasaa, keessaayyuu tumsi ogeeyyii fi qabsaawota Oromoo murteessaa dha.

Akaakuun tajaajila sagantaa kanaa boonsaa fi bu'a qabeessa akka ta'u, yeroo irraa yerootti akka gabbatuu fi akka misoomu taasisuuf waliif ha birmannu.

Injifannoo Ummata Oromoof!

Qaama Cehumsaa ABO